Vergaangen Aktivitéiten
De Photo-Club Déifferdeng war mat Freed beim Vernissage vum neie Gravity Coworking Space zu Déifferdeng dobäi. Nieft dem Entdecken vun de moderne Raimlechkeeten haten d’Visiteuren och d’Geleeënheet, eng Auswiel vu Fotoe vun eise Memberen ze bewonneren. Mir soen dem Gravity-Team Merci fir den häerzlechen Accueil an déi flott Zesummenaarbecht.
E flotten Owend zu Déifferdeng: zesumme si mir op Cityscape- a Streetphoto-Tour gaangen an hunn d’Stad mat neie Blécker, Luuchten an Alldagsmomenter agefaangen. Eng kreativ Foto-Ronn duerch d’Stroossen vun eiser Stad.
De Mario Pinto huet fir de Photo-Club Déifferdeng e Foto-Reportage vun der Aweiung vum neie Schoulcampus Um Bock zu Uewerkuer realiséiert. Den 4. Mee 2026 gouf déi moderniséiert an erweidert Schoul a Präsenz vum Educatiounsminister offiziell ageweit.
E puer vun eise Memberen haten d’Geleeënheet, de Parc Animalier de Sainte-Croix ze besichen – eng immens flott Destinatioun fir Natur- a Déierefotografie. Am Parc, deen op grouss natierlech Liewensraim setzt, konnte mir vill spannend Motiver afänken: Wëllef, Réi, Luchsen an nach vill aner Déieren an enger bal fräier Ëmgéigend. Dat mécht et net ëmmer einfach – mee genee dat mécht den Challenge an de Reiz aus.
De Photo-Club Déifferdeng an de Ministère de la Fonction publique hun am Coworking-Space GRAVITY zu Déifferdeng eng Ausstellung mat ausgewielte Fotoe vun eise Memberen dekoréiert. D’Auswiel konzentréiert sech op Biller mat lokalem Charakter, besonnesch ronderëm d’Geschicht vu Déifferdeng an säin industrielle Patrimoine. Mir freeën eis, dëse Projet geschwënn am ëffentleche Raum ze weisen.
