Vergaangen Aktivitéiten
De Photo-Club Déifferdeng an de Ministère de la Fonction publique hun am Coworking-Space GRAVITY zu Déifferdeng eng Ausstellung mat ausgewielte Fotoe vun eise Memberen dekoréiert. D’Auswiel konzentréiert sech op Biller mat lokalem Charakter, besonnesch ronderëm d’Geschicht vu Déifferdeng an säin industrielle Patrimoine. Mir freeën eis, dëse Projet geschwënn am ëffentleche Raum ze weisen.
Den 17/03 huet d’Assemblée Générale vum Photo-Club Déifferdeng am Aalen Stadhaus zu Déifferdeng stattfonnt. D’Memberen hunn zesummen op e ganz aktivt Joer 2025 zeréckgekuckt, mat villen Ausstellungen, Projeten a Concoursen. Nieft dem Aktivitéitsbericht goufen och déi zukünfteg Projeten an Eventer fir 2026 virgestallt. D’Versammlung ass an enger flotter a kollegialer Atmosphär verlaf.
Eng Fotosausstellung am REWA „Résidence Op der Waassertrap“ zu Belval. D’Ausstellung weist zwou Serien: „Les couleurs de la sidérurgie“, déi d’Kraaft an d’Faarwe vun der Stolindustrie afänkt, an „Beautés éphémères“, eng poetesch Serie iwwer vergänglech Schéinheet.
De Photo-Club Déifferdeng war bei der Vernissage vun der Expo zu Saulnes dobäi, wou d'Brigitte, de Frank, de Jean-Claude, de Mario an de John hier fotografesch Aarbechten an engem frëndlechen a kreativen Kader presentéiert hunn.
Mat engem gemittlechen Ofschloss-Owend bei der Giedel am Fonds-de-Gras hu mer d’Joer feierlech ausklénge gelooss.
